Zer da Euskal Zuzenbide Zibilaren Batzordea?

140/2016 Dekretuak Euskal Zuzenbide Zibilaren Batzordearen estatutuak onartzen ditu. Batzorde hori kide anitzeko kontsulta-organoa da, eta euskal zuzenbide zibilaren garapena sustatzea du helburu, Eusko Legebiltzarrari eta Eusko Jaurlaritzari, ikerketaren, ebaluazioaren, proposamenen eztabaidaren alorrean emandako aholkularitzaren bidez, arlo horretako lege-berrikuntzak eta -aldaketak proposatzea barne.

Euskal Zuzenbide Zibilaren Batzordea Euskal Autonomia Erkidegoko Administrazio Orokorrean Zuzenbide Zibilaren arloan eskumena duen sailari atxikita dago, sail horren egitura organikoari buruz indarrean dauden arauen arabera.